Vritet një person në Lipjan, policia jep detaje

Një person i moshës 54-vjeçare është vrarë sot në fshatin Tërbovc të Lipjanit.
Lajmin për Klan Kosova e ka konfirmuar Zëdhënësja e Policisë për Rajonin e Prishtinës, Flora Ahmeti, e cila tha se policia me një intensitet të shtuar ka ndërmarrë një varg veprimesh operative e hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin.

‘Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Me të dalë në vendin e ngjarjes policia ka konstatuar se ka të bëj me vrasje , ku viktima: M.G. mashkull, 54 vjeç, duke mos mundur t’ju përballojë plagëve të marra nga arma e zjarrit ka ndërruar jetë. Vdekjen e viktimës e ka konstatuar ekipi mjekësor ne vendin e ngjarjes’, ka thënë më tej Ahmeti.

Personi i dyshuar është identifikuar dhe po kërkohet nga policia.

Gazetari

Read Previous

Për të bërë një rotacion të plotë 24 orë, Toka në ekuator lëvizë afërsisht 1600 km / orë

Read Next

MPB ia lejon ProCredit Bank 1 ton fishekzjarre