Vriten dy ushtarë turq nga një sulm me raketa në Siri

Dy ushtarë turq janë vrarë në një sulm me raketa në qytetin e Idlib të Sirisë, deklaron ministria e mbrojtjes në Turqi.

Sipas mediave të huaja, përcjell Telegrafi, në sulmin e së enjtes u plagos edhe një ushtar i tretë, teksa zyrtarët në Turqi pohojnë se ky komplot u krye nga “grupe radikale”.

Lidhur me këtë rast njësitet e artilerisë së Turqisë thuhet të kenë ngritur hakmarrje, ndonëse nuk janë bërë të ditura detajet.

Sulmi vjen dy javë pasi Turqia dhe Rusia ranë dakord për armëpushim në Idlib, duke ndaluar fushatën ajrore dhe tokësore tre-mujore nga qeveria siriane në provincën e mbajtur nga rebelët.

Konflikti deri më tani vrau qindra njerëz dhe dërgoi një milionë banorë drejt kufirit të Turqisë, gjithashtu rezultoi në përleshje të rralla të drejtëpërdrejta midis ushtrisë turke dhe trupave të qeverisë siriane.

Rapotohet se rreth 60 ushtarë turq janë vrarë në Idlib që nga fillimi i shkurtit. /Telegrafi/

Ardiana K

Read Previous

ALBIN KURTI MUND TË “JETOJ FUQISHËM” EDHE PAS SHKARKIMIT, SIPAS ENVER HASANIT

Read Next

Edhe Ballkani në “kthetrat” e koronavirusit