Thaçi: Asociacioni do të formohet sipas kushtetutës, duhet të shmangim konfliktet e reja

Presidenti i Kosovës, Hashim Thaçi gjatë ditës së sotme është duke qëndruar në Bruksel me ftesë nga Frederica Mogherini, për vazhdimin e dialogut mes Kosovës dhe Serbisë, shkruan “Zëri.info”.

Ai në këtë takim pritet të takohet edhe me presidentin e Serbisë, Aleksandër Vuciq.

Para këtij takimi Hashim Thaçi, ka folur lidhur me këtë takim për Deutche Wellen.

Sipas Thacit ky takim ka për qëllim rregullimin e marrëdhënieve më Serbinë. Ai ka folur edhe për formimin e Asociacionit të Komunave Serbe. Sipas tij kjo do të bëhet në bazë të Kushtetutës së Kosovës.

“Është edhe rrezik edhe për konflikte të reja. Kosova ka marrë obligim që ta formoj Asociacionin e Komunave Serbe sipas marrëveshjes së Brukselit. Kemi një kushtetutë moderne dhe demokratike dhe sa më shumë që ne i integrojmë serbët aq më shumë do të jemi afër vlerave evropiane”, ka thënë Thaçi.

Tutje ai ka folur edhe për kritikat e partive opozitare lidhur me pjesëmarrjen e tij në këtë takim dhe për udhëheqjen e dialogut mes këtyre dy vendeve.

“I kuptoj zërat kritik dhe zërat e ndryshme, opinione të tilla ka pasur edhe më herët për marrëveshjen e Demarkacionit. Asociacioni do të jetë në përputhshmëri me kushtetutën tonë dhe me ligjet tona. Ky është takimi fillestar. Takimi i parë i nivelit të tillë për fazën finale. Ky është procese që i takon të gjithëve edhe presidentit edhe qeverisë edhe parlamentit. Ne duhet të sillemi si shtet dhe jo me mentalitet të të kaluarës”, ka thënë tutje ai.

Gazetari

Read Previous

Kryeparlamentari Ruçi uron Haradinajn për rizgjedhjen në krye të AAK-së

Read Next

ja Çfarë i pret këtë verë bashkëatdhetarët në Kosovë