Ter Stegen kërkon pagë të ngjashme me Messin

Bisedimet për rinovim kontrate mes Barcelonës dhe Marc-Andre ter Stegenin kanë hasur në një pengesë të madhe, pasi që gjigantja e La Ligës nuk po arrin t’ia plotësojë kërkesat e shumta portierit gjerman.

Katalonasit raportohet se po tentojnë ta bindin portierin e parë, Marc-Andre ter Stegenin të nënshkruajë kontratë të re, në mënyrë që ta mbajnë atë edhe për më gjatë në Camp Nou, transmeton Gazeta Express.

Gjermani ka qenë në negociata me drejtuesit e klubit që një kohë të gjatë sa i përket të ardhmes së tij, pasi që kontrata e tij aktuale përfundon në verën e vitit 2022.

Ter Stegen nuk është shprehur i bindur për të ardhmen e tij kur është pyetur nga gazetarët, përderisa mediumet spanjolle dhe angleze e lidhin atë me një interesim nga gjiganti i Premierligës, Chelsea.

Barcelona kishte shprehur t’u japë fund këtyre spekulimeve duke e bindur Ter Stegenin të nënshkruajë kontratë të re, megjithatë kërkesat e gjermanit kanë ndikuar që ky tentim të mos ketë sukses dhe gjithçka të mbetet në gjysmë.

Kjo pasi që Goal ka mësuar se Ter Stegen po kërkon pagë rreth 15 milionë euro në vit, që do ta vendoste mbi të gjithë të tjetër në Camp Nou përveç Lionel Messit. /Gazeta Express/

Fitore H

Read Previous

​A mund ‘të eksplodojnë’ bakteret?

Read Next

Plaku 100 vjeç shërohet nga koronavirusi me gjak të pacientëve të shëruar


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0