Suspendohet polici kosovar që në Facebook shprehu gëzim për aktakuzën ndaj Thaçit dhe Veselit

Polici Gëzim Krasniqi është suspenduar sot nga detyra, pasi i njëjti shfaqi në Facebook lumturi për aktakuzat e ngritura nga Prokurori i Gjykatës Speciale, ndaj Presidentit të Kosovës, Hashim Thaçi dhe Ish Kryetarit të Kuvendit, Kadri Veseli.

Drejtori i Policisë së Kosovës, Rashit Qalaj ka konfirmuar për Gazetën Online ‘Reporteri.net’ se polici në Prishtinë, Gëzim Krasniqi është suspenduar nga detyra, pasi i njëjti shfaqi në Facebook ndjenja gëzimi për aktakuzat ndaj Presidentit, Hashim Thaçi dhe Kryetarit të PDK-së, Kadri Veseli.

“Është suspenduar”, ka thënë shkurt Drejtori i Policisë, kur është pyetur në lidhje më këtë rast, që ishte publikuare edhe në mediat vendore.

Polici Krasniqi, i cili punon në Prishtinë si polic, ka shpërndarë lajmin në rrjetin social Facebook dhe se ndjehet i kënaqur (lexo: feeling happy ka shkruar në Facebook).

Krasniqi u bë i njohur gjatë vitit 2018, kur në Prishtinë ai ishte fotografuar duke ledhatuar një qen, foton e kishte realizuar atë kohë Armend Nimani.
Kujtojmë se një urdhëresë e lëshuar nga Drejtoria e Përgjithshme e Policisë së Kosovës, ua ndalon pjesëtarëve të saj të postojnë apo të komentojnë nëpër rrjetet sociale.

Ky veprim ka ardhur pasi krerët e policisë dëshirojnë ta ruajnë profesionalizmin, paanshmërinë dhe neutralitetin si institucion profesional publik në shërbim të të gjithë qytetarëve.

Fitore H

Read Previous

Vendet e BE-së mund të ndalojnë hyrjen e vizitorëve nga vendet me raste të larta nga coronavirusi

Read Next

Kush janë “të tjerët” dhe pse Prokuroria Speciale bëri publik vetëm emrat e Thaçit dhe Veselit?


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0