Sllovenia e fut Shqipërinë në listë të zezë, 14 ditë karantinë për çdo shqiptar që hyn brenda territorit

Qeveria e Sllovenisë do të largojë Malin e Zi dhe Luksemburgun nga “lista e gjelbër” e 19 vendeve të sigurta, nga të cilat është e mundur të hyni në Slloveni pa aplikimin e masave kufizuese.

Në të njëjtën kohë, qeveria do të shtojë Shqipërinë dhe Portugalinë në “listën e kuqe” të vendeve nga të cilat hyrja në Slloveni nënkupton një karantinë të detyrueshme dyjavore, me disa përjashtime.

Masat e reja kufizuese për të katër vendet do të zbatohen nga nesër, tha zëdhënësi i qeverisë Jelko Kacin para gazetarëve, pas mbledhjes së qeverisë, e cila u mbajt pasi Sllovenia regjistroi një rritje të numrit të rasteve të koronavirusit të importuar nga jashtë, kryesisht nga vendet e ish-Jugosllavisë.

Sipas agjencisë sllovene STA, numri i rasteve të reja për 100,000 banorë në Shqipëri dhe Mal të Zi në 14 ditët e kaluara ka tejkaluar 10.

Sa i përket “listës së kuqe”, në të cilën do të vihet Shqipëria dhe Portugalia, ajo i referohet vendeve që kanë regjistruar më shumë se 40 raste në ditë për 100,000 banorë në dy javët e kaluara.

Shtatë raste të reja të koronavirusit nga 1.222 testuar janë regjistruar në Slloveni, njoftoi sot qeveria sllovene.

Pasi u regjistruan 13 raste pozitive të hënën, që është një numër rekord pas 24 prillit, numri i të infektuarve është në përputhje me numrin e infektuar rishtazi javët e fundit, raportoi STA.

Nuk pati vdekje të reja një ditë më parë, kështu që numri i përgjithshëm i vdekjeve është ende 111.

Numri i përgjithshëm i personave të infektuar me koronavirus është 1.541, dhe janë testuar 95.387 persona.

Ardian H

Read Previous

‘Nëse i ka mbet një fije moral, Hashim Thaçi duhet të jap dorëheqje’

Read Next

Reagon Haki Abazi pas aktakuzave ndaj Thaçit e Veselit: Duhet të zbardhen vrasjet e patriotëve dhe krimet ndaj shqiptarëve