Shkon në 49 numri i viktimave nga coronavirusi në Shqipëri

Këtë të enjte është shënuar viktima e radhës nga coronavirusi në Shqipëri duke e çuar në 49 numrin e viktimave.

Viktima është një 66 vjeçar nga Tiranë i cili ka ndërruar jetë në spitalin infektiv në QSUT.

Ministria e Shëndetësisë bën me dije se gjendja e 66 vjeçarit është përkeqësuar si pasojë e vështirësi në frymëmarrje dhe pavarësisht frymëmarrjes së drejtuar, terapisë intensive medikamentoze dhe kujdesit të stafit mjekësor, pacienti i cili vuante nga diabeti dhe hipertensioni, nuk ka mundur të mbijetojë.

Ndërkohë gjatë 24 orëve të fundit në vendin tonë janë konfirmuar pozitivë me koronavirus 78 raste duke e çuar në 2192 numrin e të infektuarve.

Njoftimi i ministrisë:

Një pacient 66-vjeçar nga Tirana ka ndërruar jetë në spitalin infektiv në QSUT, i konfirmuar me COVID19, i shtruar prej një jave në gjendje të rëndë. Gjendja e tij është përkeqësuar si pasojë e vështirësisë në frymëmarrje dhe pavarësisht frymëmarrjes së drejtuar, terapisë intensive medikamentoze dhe kujdesit të stafit mjekësor, 66-vjeçari, i cili vuante nga diabeti dhe hipertensioni, nuk ka mundur të mbijetojë.

Që nga fillimi i epidemisë, 49 qytetarë e kanë humbur betejën me COVID19, ndërsa vijon të ketë raste të rënda që po trajtohen në shërbimin infektiv. Ministria e Shëndetësisë dhe Mbrojtjes Sociale apelon qytetarët të tregojnë kujdes në zbatimin e rregullave në përditshmëri dhe bizneset të respektojnë me rigorozitet protokollet e sigurisë, për të ruajtur shëndetin e qytetarëve. Inspektoriati Shtetëror Shëndetësor dhe Task-Forca anti-COVID vijojnë të jenë në terren 24/7 për monitorimin dhe kontrollin e zbatimit të protokolleve të sigurisë./abcnews.al

Ardian H

Read Previous

Unitedi konfirmon largimin e nëntë lojtarëve

Read Next

Rama: Njëjtë kishin vepruar edhe me Limajn, e shpallnin të pafajshëm, pastaj ri-nisnin hetimet


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0