Presidentja e Sllovakisë futet në vetizolim

Presidentja e Sllovakisë, Zuzana Caputova, është futur në vetizolim, pasi një prej ndihmësve të saj ka qenë në kontakt me një person që ka dalë pozitiv në testin për coronavirus.

Caputova do të jetë në vetizolim deri të premten, si masë paraprake, tha zëdhënësi i saj.

Presidentja i anuloi të gjitha angazhimet, përfshirë edhe takimet e së mërkurës me udhëheqësin e Senatit të Republikës Çeke, Milos Vystrcil, dhe me presidentin e Austrisë, Alexander Van der Bellen.

Sllovakia është lavdëruar për masat që ka ndërmarrë për frenimin e coronavirusit.

Ajo ka qenë një nga vendet e para në Evropë që ka mbyllur kufijtë dhe e ka bërë të detyrueshme vendosjen e maskës.

Sllovakia, vend me 5.5 milionë banorë, ka konfirmuar deri më tash 1,589 raste me coronavirus.

Shumica prej tyre tashmë janë shëruar, ndërsa 28 të infektuar kanë humbur jetën.

Në javët e fundit, Sllovakia i ka lehtësuar masat e izolimit dhe aktualisht lejon vizitat e turistëve nga 19 vende, shumica e tyre në Evropën Qendrore dhe Lindore, në Skandinavi dhe shtetet e Baltikut. /REL/

Ardian H

Read Previous

Nasim Haradinaj: Veprimi i Speciales, shantazh i Evropës ndaj Amerikës dhe Kosovës

Read Next

Tensione te Tottenhami, Ndombele ia bënë të qartë Mourinhos se nuk dëshiron të luajë për të