Policia konfirmon se trupi i pajetë i gjetur mbrëmë është i 23-vjeçarit nga Gadimja

Policia e Kosovës përmes raportit 24 orësh ka konfirmuar se trupi i pajetë që është gjetur mbrëmë në Gadime të Lipjanit është i Shqipdon Aliut që ishte zhdukur tash e një javë, raporton Gazeta Express.

Në raportin e policisë thuhet se trupi është gjetur rreth orës 21:30 minuta pa shenja jete.

Në vendin e ngjarjes ndërkaq menjëherë kanë dalë njësitet relevante, prokurori i shtetit dhe ekipi mjekësor që kanë konstatuar vdekjen e viktimës.

Me urdhër të prokurorit, trupi i pajetë i viktimës është dërguar në institutin e mjekësisë ligjore për obsuksion.

“Raportohet se me datën 21.10.2019 rreth orës 21:34 pa shenja jete është gjetur viktima mashkull K/Shqiptar i cili ishte raportuar se kishte dalë nga shtëpia. Në vendin e ngjarjes kanë dalë njësitë relevante të Policisë, prokurori i shtetit dhe ekipi mjekësor i cili e ka konstatuar vdekjen e viktimës. Me urdhër të prokurorit trupi i pajetë i viktimës është dërguar në Institutin e Mjekësisë Ligjore për obduksion”, shkruhet në raport të policisë.

Gazetari

Read Previous

Erdogani kërkon mbështetjen e Putinit për një ofensivë tjetër mbi popullin kurd

Read Next

Degradon Milaim Zeka: Qysh more po del e po shpërndan rrena