Plaçkitet shtëpia e policit që e vranë një vit më parë, e veja e tij tregon se çka u vjedh

Pos shtëpisë së policit Izet Demaj është plaçkitur edhe një tjetër shtëpi ne të njëjtën lagje

Ende pa u pajtuar me realitetin e hidhur, familjes se të ndjerit Izet Demaj, i ndodhi edhe një fatkeqësi.

Shtëpia e tyre në fshatin Vrellë të Istogut, u plaçkit nga hajdutet.

Ardita Demaj, gruaja e policit që ra në detyrë, per shkak te gjendjes emocionale nuk mund te fliste para kamerës, por prapa saj ajo tregoi se si e përjetoi rastin.

Mbrëmjen e së shtunës, Ardita me fëmijë, shkuan t’i vizitojnë familjaret e tyre, raporton T7.

Por me të marrë rrugën për shtëpi, ajo pa një person te panjohur në një motoçikletë pa drita të ndezura, i cili sapo pa veturën e saj, u largua shpejt nga vendi ku po rrinte.

E kur iu afrua shtëpisë, pa që dyert e oborrit, garazhit, e të shtëpisë ishin të hapura, dhe nuk kishte rrymë.

Kryerësit e krimit fillimisht kishin hipur në kulmin e shtëpisë, nga ku u futen në databazen e kamerave të sigurisë dhe i ndalen ato.

E më pastaj ata me mjetet e tyre e hapen derën e shtëpisë dhe filluan kërkimin.

Bashkëshortja e Izet Demajt tregoi se asaj iu mor një armë qe e kishte me leje, por qe e mbante ne një vend mjaft te fshehur.

Hajdutet, sipas saj, kishin qellim paratë, pasi qe mjetet elektronike qe ajo i kishte lënë ne shtëpi, i gjeti ne te njëjtin vend.

Por të njëjtën natë, hajnat nuk u ndalen me kaq.

Ata hynë edhe tek shtëpia e familjes Mavraj, e cila gjendej jo shumë larg shtëpisë së familjes Demaj.

Edhe kjo shtëpi u plaçkit. E pronarët në këtë gjendje e gjetën shtëpinë kur u kthyen nga obligimet që kishin.

I zoti I shtëpisë, Gani Mavraj, tha se kjo vjedhje e lëndoi me shume psikologjikisht se financiarisht.

Këto veprime të hajdutëve janë lajmëruar edhe në polici.

Ndërsa tani nën direktivat e Prokurorisë Themelore në Pejë, po punohet për zbardhjen e këtyre rasteve.

Polici Izet Demaj u vra në detyrë në fund të viti të kaluar deri sa po tentonte të ndalonte një grabitje të armatosur në qendër të Istogut.

Gazetari

Read Previous

Ilaçet në Lum, dyshohet se i përkasin Spitalit të Burgut

Read Next

Bie frikshëm niveli i ujit në Përlepnicë, gjilanasit rrezikojnë të mbesin pa ujë


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0