Pak orë para seancës, VV-ja i çon mesazh LDK-së

Një ditë para seancës konstituive të Kuvendit të Kosovës, Lëvizja Vetëvendosje ia ka përcjellë sinjalin e fundit LDK-së, duke deklaruar asesi se nuk do të pranojnë që të merren vesh për pozitën e presidentit, raporton Gazeta Express.

Deputetja e Lëvizjes Vetëvendosje, Albulena Haxhiu, e ka cilësuar si të padrejtë kërkesën e LDK’së për postin e presidentit dhe ka thënë se si e tillë është e papranueshme.

Në një intervistë për kallxo.com Haxhiu ka thënë se qytetarët kanë shprehur vullnetin që qeveria e ardhshme të formohet nga LDK-ja dhe VV-ja.

“Ne si subjekt politik veprojmë në bazë të rrethanave dhe duke pasur parasysh që edhe vet qytetarët e Republikës përmes vullnetit të shprehur në zgjedhjet e gjashtë tetorit e kanë dashur këtë koalicion, ne jemi angazhuar me të gjitha forcat tona për të arritur koalicion”, ka thënë ajo.

Sipas saj me LDK-në nuk është problem besimi në të, por kërkesa e saj për postin e presidentit.

“Unë nuk e shoh që ka mungesë besimi por ka kërkesa joracionale dhe jo të drejta që i ka parashtruar tash së fundi LDK-ja. Në fakt kur jemi lëshuar për të folur për përgjegjësitë qeverisës ka dalur edhe kërkesa që LDK-ja të ketë kandidatin për President, pra nuk shoh që ka një mungesë besimi, por ka kërkesa të cilat për Vetëvendosjen janë të pakapërcyeshme dhe të papranueshme”, ka thënë ajo.

Gazetari

Read Previous

VV-ja merr vendimin pak orë para seancës, ja ”oferta e çmendur” për LDK-në

Read Next

Kurti pas pak deklarohet për koalicionin