Ndërroi jetë profesori Hajzer Krasniqi, ish kryetari i Komunës së Vushtrrisë dhe themelues i LDK-së

Në moshën 79 vjeçare është ndarë nga jeta profesori Hajzer Krasniqi, ish kryetar i Komunës dhe drejtuesi shumëvjeçar i LDK-së në Vushtrri. Lajmin për vdekjen e Krasniqit për portalin Veriu.info e kanë konfirmuar familjarë të tij.

Krasniqi punoi kohë të gjatë si mësimdhënës. Gjatë kohës së aksionit të madh të pajtimit të gjaqeve që udhëhiqej nga profesori Anton Çeta, Hajzer Krasniqi ishte kryetar i Këshillit të pajtimit të gjaqeve në Vushtrri.

Si përkrahës i madh i Lëvizjes politike të shqiptarëve të Kosovës që po lindte në fund të vitit 1989, dhe si bashkëpunëtor i ngushtë i Presdentit të Kosovës, Ibrahim Rugova në atë kohë, që nga 17 janar 1990 ishte bashkëthemelues dhe kryetar i parë i Lidhjes Demokratike të Kosovës në Vushtrri, si dega e parë e kësaj partie e themeluar në Kosovë. Për disa mandate, Krasniqi ishte edhe anëtar i kryesisë qendrore të LDK-së dhe drejtues shumëvjeçar i degës në Vushtrri.

Për një kohë të shkurtër gjatë vitit 2001 ishte kryetar i Komunës i zgjedhur nga Kuvendi Komunal, detyrë të cilën detyrohet që ta lerë shumë shpejtë për shkaqe shëndetësore.

Gazetari

Read Previous

Daçiq: Kosovarët ta kenë të qartë, çështja e Kosovës nuk ka përfunduar ende

Read Next

Xhafer Tahiri kujton kohën kur festonte fitoren e tij në shesh së bashku me Hajzer Krasniqin