Mbingarkohet Klinika Infektive: 106 pacientë të konfirmuar me Covid-19, 7 persona në gjendje të rëndë

Në Klinikën Infektive të QKUK’së 106 persona janë duke u trajtuar si të prekur me Covid-19. Nga ta 46 persona janë në gjendje më të rëndë shëndetësore duke u trajtuar me oksigjenoterapi dhe disa të tjerë nën kujdesin intenziv.

Ndërkohë nga këta persona, 7 pacientë janë në gjendje të rëndë shëndetësore.

Kjo është komunikata e plotë e Klinikës Infektive:

Gjendja e pacientëve të sëmurë me Covid-19, të cilët trajtohen në Kliniken Infektive është si vijon;

46 raste janë duke u trajtuar në reparte me oksigjenoterapi dhe përkujdesje intensive, prej të cilëve 7janë në gjendje të rëndë.

Në repartin e Mjekimit Intensiv janë duke u trajtuar 6 raste, 3 raste janë në gjendje shumë të rëndë duke u trajtuar me oksigjenoterapi dhe përkujdesje intensive, si dhe 3 raste janë në gjendje kritike me frymëmarrje të asistuar me respiratorë.

Sot lirohen 6 raste Covid-19 poztiv, në gjendje stabile në vetizolim në shtëpi.

Në objektin e mjekësisë sportive janë momentalisht 3 raste me Covid-19, 1 i intubuar dhe 2 me CPAP, kurse edhe 2 të tjerë me do të transferohen nga Klinika Infektive.

Në Klinikën e Pulmologjisë dhe Dermatologjisë janë të shtrirë 23 pacientë me Covid-19.

3 pacientë të tjerë të konfirmuar pozitiv në Covid-19, janë transferuar në Klinikën Infektive

Ardiana K

Read Previous

Reagon këshilltari i Presidentit: Surroi nuk ia falë Thaçit ç’kapjen nga Serbia

Read Next

Komisioni hetimor për pandeminë kërkon 17 mijë euro, në raportim ftohet edhe ish-kryeministri Kurti