Kusari: Vendi do të shkojë në zgjedhje të jashtëzakonshme sapo të mbarojë kriza e COVID-19

Deputetja e Lëvizjes Vetëvendosje, Mimoza Kusari-Lila deklaron se pas mocionit të mosbesimit për qeverinë “Kurti”, Kosova ka si të vetme alternativë për tejkalimin e kësaj situate, zgjedhjet e parakohshme.

Ajo shprehet kundër idesë së hedhur nga Presidenti, Hashim Thaçi për krijimin e një qeveri gjithëpërfshirëse. Atë që ndodhi një natë më parë në Parlamentin e Kovës, deputetja e VV-së e cilëson kthim në standardin e vjetër ku politikanët kërkojnë të ndajnë përfitimet dhe tenderët.

“Ranë maskat dhe u panë të gjitha qëllimet e atyre që nuk e duan qeverinë e reformave. Duan standardin e vjetër të ndarjes së përfitimeve dhe tenderëve. Kryeministrin dhe qeverinë nuk e lufton vetëm opozita, por gracka i ka bërë dhe Presidenti”, deklaroi Kusari-Lila.

Sipas saj, prishja e koalicionit qeverisë që zgjati vetëm 50 ditë duket se ka qenë i përgatitur pasi në letrat që Isa Mustafa i ka dërguar Kryeministrit, Albin Kurti nuk është përmendur asnjëherë mocioni i mosbesimit.

Lidhur me skenar se çfarë pritet të ndodhi tashmë që vendi nuk ka një qeveri, Kusari-Lila thotë se, si parti e parë, VV nuk mund të kalojë në opozitë pasi e drejta për propozimin e Kryeministrit i takon vetëm asaj.

“Nuk besoj se ka hapësirë për Albin Kurtin që të dalë në opozitë. Nuk mund të ketë qeveri pa partinë e parë dhe në çdo rrethanë i takon të propozojë kryeministrin”, u shpreh ajo.

Duke komentuar deklaratën e fundit të Presidentit, Hashim Thaçi se do të nisë konsultimet për formimin e një qeverie gjithëpërfshirëse, deputetja e VV-së tha se, presidenti nuk ka asnjë kompetencë për të bërë këtë.

Duke përjashtuar çdo mundësi që VV të jetë pjesë e një qeveri siç propozon Thaçi, Mimoza Kusari-Lila sheh si zgjidhje vetëm zgjedhjet e parakohshme që mund të mbahen pasi të kalohet situata e COVID-19.

“Ne nuk jemi republikë presidenciale, ai nuk ka kompetencë për qeveri gjithëpërfshirëse. VV nuk do të përfshihet në asnjë qeveri gjithëpërfshirëse. Në rrethanat që gjendemi sot, janë zgjidhje vetëm zgjedhjet e reja. Mobilizim i qeverisë aktuale dhe pasi të kalohet kjo situatë shkohet në zgjedhje”, u shpreh deputetja e VV-së në Euronews Albania.

0 Reviews

Write a Review

Ardian H

Read Previous

Abazi: Mustafa po viktimizohet për t’i ikur përgjegjësisë, Abrashi filloi linçimin ndaj neve

Read Next

NUK BINDET BESNIK BISLIMI, IA TREGON “MUSKUJT” AMERIKËS: KA MARRËVESHJE SEKRETE