Jeta në Mars? NASA sjell zbulimin e radhës

Molekulat organike të pranishme në qymyr dhe vaj në Tokë janë identifikuar në Mars dhe mund të lënë të kuptohet për praninë e jetës aliene.

Molekulat e tiofenit përmbajnë karbon dhe squfur të cilat janë thelbësore për jetën.

Këto molekula janë identifikuar në sipërfaqen e Marsit nga roveri i NASA-s Curiosity.

Astronomët besojnë se burimi i mundshëm i origjinës së tyre janë proceset biologjike.

Analizat nga roveri Rosalind Franklin do të hedhin dritë mbi origjinën e molekulave.

Kimikatet e quajtura tiofene janë molekula të rëndësishme pasi përmbajnë karbon dhe squfur – dy përbërës thelbësorë për jetën.

Molekulat e tiofenit kanë katër atome karboni dhe një atom squfuri të rregulluar në një unazë.

Tiofeni gjithashtu mund të krijohet përmes një reaksioni kimik të quajtur ulje termokimike të sulfatit.

Ky proces përfshin një sërë kompozimesh që nxehen në 120 gradë Celsius ose më shumë.

Astrobiologu i Universitetit Shtetëror të Uashingtonit Dirk Schulze-Makuch shqyrtoi se si tiofeni mund të ishte i pranishëm në Mars.

Ai tha se gjetjet e tyre, të botuara në revistën ‘Astrobiology’, tregojnë se kimikatet janë prodhuar nga proceset biologjike dhe jo nga reaksionet kimike.

“Ky është një hap i madh në ndjekjen e jetës marsiane, por nuk është provë konkrete”, u shpreh Makuch.

Nëse tiofeni erdhi si rezultat i proceseve biologjike, ka të ngjarë të ishte përmes baktereve tre miliardë vjet më parë.

Në atë kohë, Marsi ishte më i ngrohtë ku edhe mund të ketë ndodhur reaksioni kryesor kimik për të formuar tiofenin, transmeton KosovaPress.

Ardiana K

Read Previous

Werner, në mes të klubeve angleze dhe atij aktual

Read Next

​A mund ‘të eksplodojnë’ bakteret?


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0