Ismajli: Zhegra po i përgjigjet thirrjes për të qëndruar në shtëpi si masë kundër Covid19

Nënkryetari i Komunës së Gjilanit, Arbër Ismajli, i shoqëruar nga drejtori i Shëndetësisë, Selami Xhemajli, kanë vizituar Qendrën e Mjekësisë Familjare në fshatin Zhegër ku janë informuar për gjendjen e cila është në këtë fshat gjatë kësaj kohe, e cila nga ekipet shëndetësore është konstatuar e qetë dhe pa shqetësime sa i përket rasteve me Covid-19.

Në njoftim bëhet e ditur se deri më tani nuk ka ndonjë rast të ri që është paraqitur me simptoma që duhet të intervenohet.

“Fshati është duke respektuar rekomandimet e dhëna nga ekipet shëndetësore për qëndrim në shtëpi. Gjendja është nën kontroll dhe lëvizje të qytetarëve apo të veturave nuk ka. Nëse do të vazhdohet në këtë mënyrë, gjendja do të jetë shumë më lehtë e menaxhueshme deri në tejkalimin e situatës”, kanë thënë mjekët kujdestarë.

Ndërsa, në fjalën e tij, nënkryetari Ismajli ka konfirmuar se Komuna e Gjilanit ka marrë të gjitha masat e nevojshme dhe janë përgatitur tashmë kontingjenti material mbrojtës për familjet e prekura, barnat për trajtim nëse është e nevojshme dhe pakot ushqimore për familjet të cilat janë me gjendje të rëndë ekonomike dhe sociale, të cilat, për këto ditë janë shpërndarë dhe do të vazhdohet në këtë drejtim tek të gjitha rastet ku është i nevojshëm intervenimi me mbështetje sociale. /Telegrafi/

Fitore H

Read Previous

Për t’iu shmangur vetë izolimit, tre persona nga Belgjika hyjnë ilegalisht në Kosovë

Read Next

Një lajm i mirë për adhuruesit e “Game of Thrones”