Irani dhe fuqitë botërore diskutojnë këtë javë për paktin bërthamor

Iranian Foreign Minister Mohammad Javad Zarif speaks to the media in Tbilisi, Georgia, April 18, 2017. REUTERS/David Mdzinarishvili – RC1161ADA800

Ministri i Jashtëm i Iranit, Mohammad Javad Zarif dhe ministrat e pesë fuqive tjera botërore që janë pjesë e paktit bërthamor të vitit 2015, do të takohen në Vjenë më 6 korrik për të diskutuar ruajtjen e marrëveshjes bërthamore, pas largimit të Shteteve të Bashkuara nga kjo e fundit.

Diplomatët e lartë nga Britania, Kina, Franca, Gjermania dhe Rusia do t’i bashkohen ministrit të Jashtëm iranian, Zarif në kryeqytetin e Austrisë për të diskutuar “paketën evropiane dhe masat për të ruajtur marrëveshjen”, ka raportuar agjencia e lajmeve “IRNA”.

Njoftimi ka ardhur pasi presidenti iranian, Hasan Rohani, i shoqëruar nga Zarif është duke vizituar Zvicrën para se të niset në Austri.

Para se të arrinte në Evropë, Rohani ka thënë më 2 korrik se pret nga kombet evropiane që këtë javë të prezantojnë masat që do të ruajnë marrëveshjen, raporton “Rel”.

Presidenti amerikan, Donald Trump ka larguar Shtetet e Bashkuara nga pakti bërthamor në muajin maj duke deklaruar kthimin e sanksioneve kundër Teheranit.

Zyrtarët amerikanë kanë paralajmëruar se edhe kombet tjera mund të përballen me sanksione nëse nuk ndalojnë të bërit biznes në Iran.

Shtetet tjera që janë pjesë e paktit, Britania, Franca, Rusia, Kina dhe Gjermania, kanë thënë se janë të përkushtuara në zbatimin e marrëveshjes për aq kohë sa ka vullnet pala iraniane.

Gazetari

Read Previous

Kotzias flet ashpër ndaj grekëve: Epiri i Veriut është tokë e Shqipërisë!

Read Next

Milani zyrtarizon ish-lojtarin e Barcelonës