Hoti vazhdon takimet në Bruksel, edhe Presidentit të Këshillit të BE’së ia kërkon vizat

Kreu i Qeverisë së Kosovës, Avdullah Hoti është takuar sot me presidentin e Këshillit Evropian, Charles Michel.

Në takimin në Bruksel, Hoti ka bërë të ditur se e ka njoftuar presidentin e KE’së për prioritetet e Qeverisë.

 “Gjatë takimit, kryeministri Hoti e ka njoftuar për prioritetet e Qeverisë së Kosovës, siç është procesi i liberalizimit të vizave, menaxhimi i pandemisë të shkaktuar nga COVID 19, pakoja e rimëkëmbjes ekonomike, si dhe për përkushtimin e Qeverisë së Kosovës në forcimin e sundimit të rendit dhe ligjit”, thuhet në njoftim.

Tutje, bëhet e ditur se kryeministri ka theksuar se liberalizimi i vizave mbetet njëra ndër cështjet më urgjente në raport me BE’në.

“Kryeministri Hoti theksoi se liberalizimi i vizave mbetet ndër çështjet më urgjente në raport me Bashkimin Evropian. Më tej, kryeministri Hoti vlerësoi se për Qeverinë e Kosovës përmbyllja e këtij kapitulli është shumë e rëndësishme, në mënyrë që qytetarët e Kosovës, sikurse edhe fqinjët e tyre, të mund të udhëtojnë lirshëm në vendet e BE-së”, bëhet e ditur në komunikatë.

Fitore H

Read Previous

Holanda heq kufizimet dy muaj më herët se që kishte planifikuar

Read Next

Zemaj dhe Sejdiu kërkojnë nga spitalet rajonale trajtimin e pacientëve me Covid


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/srv/users/serverpilot/tmp/vizioni) in Unknown on line 0