“Hana” kënga nga albumi i Mozzik që i kushtohet vajzës dhe Loredanës

Rep-artisti shqiptar, Mozzik, gjatë ditës së sotme (e premte) ka lansuar albumin e tij të ri.

“Mozzart” titullohet projekti në të cilin ka gjithsej 20 këngë, përfshirë këtu edhe bashkëpunime të ndryshme.

Por, ajo çka tërhoqi vëmendjen e fansave ishte kënga “Hana”, e cila i është kushtuar vajzës së tij dhe Loredanës.

Në të ai e përshkruan dashurinë pa kushte që ka për vajzën, ndërsa rrëfen momentet e para të shtatzënisë së ish-bashkëshortes së tij.

“Shkoi në barnatore, nuk më tregoi se çfarë kishte blerë, ia lexoje fytyrën, filloi duke u zbehur, duke mos menduar isha, më pas Lori më tregoi se është shtatzënë”, thuhej në tekstin e tij.

Theksojmë se Mozzik dhe Loredana ndajnë një vajzë së bashku, ndërsa pas një kohe të gjatë së bashku, ata jetojnë të ndarë.

Ardian H

Read Previous

Festa e Bajramit i bashkon shokët pas 36 vjetëve

Read Next

Zbulohen dy klubet e mëdha të Premierligës që kundërshtuan blerjen e Newcastle nga “sheikët”