Formacioni më i mirë i javës së 27-të në IPKO Superligë

Java e 27-të në Superligë ka sjell shumë aksione të bukura, gola dhe rezultate befasuese.

Lideri Drita ka fituar me lehtësi ndaj një Dukagjini të pamotivuar me rezultat 2-0.

Prishtina e ka fituar derbin e javës së 27-të, duke e mposhtur Feornikelin me rezultat 3-1.

Gjilani nuk ka arritur të fitojë përballë Llapit, duke barazuar 2-2.

Flamurtari ka fituar ndaj Ferizajt me rezultat 3-2, ndërsa Trepça ’89 ka fituar përballë Drenicës si mysafir me rezultat 4-2.

Ballkani ka mposhtur Vushtrrinë për tu rikthyer sërish në luftë për titull.

Telegrafi ka zgjedhur më të mirët e javës që sapo e lamë pas, duke i vendosur në një formacion.

Portier

Faton Maloku. Është portieri  i vetëm që nuk ka pranuar gol në këtë javë edhe pse nuk kishte aq shumë punë. Ai pati tri intervenime, ku njëri prej tyre në fundin e pjesës së parë ishte i jashtëzakonshëm.

Mbrojtja

Faza mbrojtëse vjen me katër. Armend Thaqi ka zënë vend në të djathtë fal asistimit te goli i Oto John, por ishte i rrezikshëm në çdo dalje.

Në qendër është Leotrim Bekteshi, që u tregua stabil së bashku me Arbër Prekazin, që shënoi dhe tregoi lojë të mirë ndaj Vushtrrisë.

Në të majtë është Liridon Leci – që bëri shumë harkime në zonë, goditi shtyllën dhe në fund shënoi gol.

Mesfusha

Filonit Shaqiri ishte lojtari më i dalluar i Ferizajt në përballje me Flamurtarin. Ai asistoi dhe shënoi gol, por i vetëm nuk mun d të bëntë më shumë.

Pak para tij është i vendosur Gerhard Progni, që është edhe ‘xhokeri’ i Gjilanit. Ai luan disa pozita ndërsa ndaj Llapit asistoi te goli i parë dhe shënoi një super gol për ta mbajtur në valle Gjilanin.

Më të avancuar janë lojtarët që ishin vendimtar në fitoret e skuadrave të tyre.

Leart Emini u fut në fushë në pjesën e dytë për të shëuar gol dhe për të dhënë asistim që ishin vendimtar në fitoren e Trepçës ’89.

Valmir Veliu ishte enigma e pazgjidhur e Gjilanit, pasi përveç që shënoi dy gola, ai ishte i papërmbajtshëm në këtë takim. Kemi të bëjmë më një talent të madh.

Me ta është edhe Shend Kelmendi që shënoi dy herë për Flamurtarin në fitoren ndaj Ferizajt. Në javët e fundit ka ngritje të dukshme të formës.

Sulmi

Ahmed Januzi është sulmuesi qendror më në formë në superligë. Ai përveç që shënon, lufton për çdo top, asiston dhe ndihmon ekipin të dal para.

Ndaj Feronikelit ai mori pjesë në aksionin e golit të dytë, ndërsa golin e tretë e shënoi vet.

Trajneri i javës

Tahir Batatina dhe Shpëtim Idrizi morën rezultate të mëdha në xhiron që sapo e lamë pas. Por barazimi i Llapit ishte me vlerë të madhe pasi luante ndaj një pretendenti për titull.

Trajneri llapjanas me ekipin e tij treguan lojë të mirë në Gjilan, ku kishin edhe shumë raste.

Formacioni i javës

Ardian H

Read Previous

Çmenduri nga Turqia, turistëve iu shitet dyneri 48 euro

Read Next

Lazio sërish me përmbysje, fiton ndaj Torinos dhe mbetet pas Juventusit