E dhimbshme: Nëna e dy kosovarëve që u mbytën në lum shtrihet në spital nga tronditja

Një ngjarje e rëndë ka ndodhur pasditen e së martës në Loire të Francës. Dy fëmijë nga Kosova janë mbytur në lumë, para syve të nënës së tyre.

Mediat franceze kanë raportuar për ngjarjen e rëndë, ndërkaq deri tashti nuk dihet se nga cili vend i Kosovës është familja kosovare me banim në Francë.

Pasditen e së martës, një nënë kosovare kishte dalë me dy fëmijët e saj për të ngrënë drekë në një restorant në afërsi të lumit Le Moingt në Loire të Francës, njofton Albinfo.ch.

Fëmijët, vëlla e motër, po loznin në afërsi të lumit në momentin tragjik. Djali 2-vjeçar ra në lumë, e motra e tij 5 vjeçe u hodh për ta ndihmuar të vëllain të dilte.

Nëna 35-vjeçare po ashtu u hodh në lumë, për t’i shpëtuar fëmijët, por fatkeqësisht nuk arriti të bënte asgjë. Vajza dhe djali i saj i vdiqën para syve.

Mediat franceze kanë raportuar për ngjarjen e rëndë të së martës, ku kanë dhënë detaje se si ka ndodhur ngjarja.

“Dy fëmijë nën moshën pesë vjeç, të cilët po luanin në brigjet e një lumi të përmbytur, vdiqën para syve të nënës së tyre. Drama e tmerrshme ndodhi pasditen e së martës, në lumin e quajtur Le Moingt, i cili kalon jo shumë larg zonës tregtare të Montbrison në Loire. Nëna 35-vjeçare nga Kosova po kthehej nga një restorant i ushqimit të shpejtë me dy fëmijët e saj kur shkuan në buzë të lumit të përmbytur. Sipas deklaratave të saj, fëmija i vogël ra në ujë. Motra e tij u përpoq ta kapte para se të zhdukej nga rryma. Nëna arriti të bashkohej me ta, por pa mundur t’i ndihmonte. Pastaj ajo paralajmëroi njerëzit të njoftojnë shërbimet e urgjencës. Ata mbërritën atje, por as ata nuk mund të bënin asgjë, sipas të njëjtave burime”, shkruajnë mediat franceze.

Po ashtu, theksohet se 35-vjeçarja kosovare është shtrirë në spital, pas tronditjes që mori nga mbytja në lumë e dy fëmijëve të saj.

“Shumë e tronditur, nëna u shtrua në spital. Zyra e prokurorit Saint-Etienne ka nisur hetimet, dhe ka urdhëruar autopsinë e dy trupave”, raportojnë mediat franceze.

0 Reviews

Write a Review

Gazetari

Read Previous

Përfundon mbledhja e VV-së, Haxhiu: Nuk besoj se do ketë takim Kurti-Mustafa

Read Next

MPJ pret detaje nga autoritetet franceze për dy fëmijët që u mbytën në lumë

Social media & sharing icons powered by UltimatelySocial