Bildt për mospjesëmarrjen e palës kosovare: Ky është fundi i takimit të planifikuar në Shtëpinë e Bardhë

Bashkëkryesuesi i Këshillit Evropian për Marrëdhënie të Jashtme Carl Bildt ka komentuar zhvillimet e fundit politike rreth mospjesëmarrjes së delegacionit të Kosovës në takimin e Washingtonit.

Përmes një postimi në Twitter ka thënë se ky është fundi i takimit të planifikuar të Shtëpinë e Bardhë.

”Ky është fundi i takimit të planifikuar të Shtëpinë e Bardhë rreth marrëdhënieve mes Kosovës e Serbisë”, shkruan Bildt.

Ndryshe, presidenti i vendit Hashim Thaçi anuloi dje pjesëmarrjen e tij në takimin e Uashingtonit, për shkak të zhvillimeve të fundit, ku Prokuroria Speciale dorëzoi ndaj tij aktakuzë në Gjykatën Speciale.

Si rezultat i këtij zhvillimi të papritur, edhe Kryeministri Avdullah Hoti anuloi pjesëmarrjen e tij në takimin me palën serbe në Shtëpinë e Bardhë, me arsyen që delegacioni i palës kosovare pa Presidentin Hashim Thaçi është i përgjysmuar.

Fitore H

Read Previous

Rusi: Nis votimi në referendumin për ndryshime kushtetuese

Read Next

Rrjeti i Shitësve me Pakicë bën thirrje të arrihet konsensus për Pakon e Rimëkëmbjes Ekonomike