POROSIA E KUQE

Katër trandofila të lidhun me pe të kuq I dërgove në postën e vjetër Po vyshken para derës virtuale Sepse harta ime nuk u përket ma këtyre korodinatave

Kot pret me ta kthye postën me pëllumb GPS nuk i punon kraheve tij të thyem

M’thanë zojt e malit se i morre trandofilat nën sqetull I heshtun hyre nëpër atë derë gjysëm të hapur Asnjë kujtim përbe se gjete në sirtarët e moçëm Dhe i lodhun morre malin përpjetë se t’kam hup në hartë

Kot sorollatesh nëpër qiell Tuj munue me gjetë prehje në gjurmtë e mija Pa dit për dhimtën dhe mallin Nuk të flet as ylli polar Je i humbun në dashuninë teme t’kuqe

Blerina Tërbunja