NUMËRIM PRAPTHI

Nandori magjik nisë numërimin nën ethe

Dhe tretet në pyetjet pa përgjigjje

Tuj shkaktue zjarrmi në mue deri në arrest kardiak

Akrepat e orës diellore tunden furishëm

Këmbanat e kishës janë të zymta

Nuk frymon e sotmja

Fundi nuk ka dimensione

Asht veq një pikë

Me të cilën nisë një numërim i ri

Deri në kthimin e sërishëm prapa

Numërimi po e hanë e ditën e sotme

Era tundet në faqet e vashës

Që mrizon buzë lumit

S’ke për të marrë dhuratë

Drerët e gjyshit janë ngatrrue në dimensione

Tashmë udhët janë një labirinth i pashpresë

Dhe pas secilës portë asht humnerë

Ky nandor asht kapitull i blertë për hava

Asht magji e bardhë në numërimin e sotëm

Tek lind një yll për çdo fjalë që ta thash në buzë

Mos i vë faj qiellit për fatin e sivjetëm

As këtij nandori magjikë të mjegullë mos i zë besë

Veç numëro me mue deri në amshim

BLERINA TËRBUNJA