Goditet rrjeti i kokainës në Itali, të paktën 6 shqiptarë në pranga

Një aksion i mirëkoordinuar i policisë italiane, në rajone të ndryshme përfshi atë Emilia-Romana, Toscana, Lombardia dhe Sicilia, kanë goditur një rrjet të strukturuar të shpërndarjes së kokainës.

Në prangat e policisë kanë rënë plot 22 persona, mes të cilëve janë edhe 5 shqiptarë që punonin në shpërndarjen e kokainës, si dhe një i gjashtë, që bënte transportin nga Holanda në Itali, transmeton tch.

Hetimet për këtë rast kishin filluar që në vitin 2015 dhe konkluduan dje me goditjen finale ndaj grupit të strukturuar kriminal, që furnizonte me kokainë të pastër rajonet italiane.

Mes shqiptarëve të arrestuar janë Dëfrim Dervishi, Enver Dervishi, Haxhi Dervishi, Besnik Dervishi dhe Klodian Alushku. GJithashtu ra në pranga edhe shtetasi Olsi Ivziku, që shërbente si korrier i kokainës nga Holanda për në Itali.