Vuçiq: Serbia nuk duhet të bie në provokim të shqiptarëve

Aleksandar Vuçiq ka reaguar mbi simbolin e shqiponjës që dy shqiptarët që luajnë për Zvicrën, Granit Xhaka dhe Xherdan Shaqiri, bënë pas golave të shënuar mbrëmjen e kaluar ndaj Serbisë.

“Provokimi i futbollistëve shqiptarë, nuk duhet ta demotivojë Serbinë”, ka deklaruar Vuçiq duke shtuar se serbët nuk kanë ofenduar askënd, ashtu siç, sipas tij, bënë shqiptarët, transmeton tch.

“Kombi ynë është i bashkuar, i bashkuar edhe në trishtim dhe vështirësi, por ne nuk e fyem askënd, sepse e duam vendin tonë dhe nuk e urrejmë askënd. Ne do të mbështesim lojtarët tanë, ne besojmë në fitore në ndeshjen e ardhshme. Dhe, nëse nuk fitojmë, do të vazhdojmë ta duam ekipin tonë”, ka thënë presidenti Vuçiq.