BLERINA TËRBUNJA: PËRJETËSIA

(Libri jem i jetës ka për titull ”do e kërkoj në përjetësi” )
Ma thuaj një fjalë që buron prej shpirti
le të bëhet ADN e dashunisë tonë
Në parajsë njerëzit janë imun ndaj kohës
ndoshta universi shkëputet prej dimensionit të katërt
Ndoshta parajsa asht univers tjetër
e programuar me dimensione tjera
Ndoshta parajsa asht dashni
hyjnia nuk përshkruhet me fjalë dynjash
Librat e shenjtë flasin për moshën e artë
i tillë asht njeriu në parajsë
Unë nuk të njoha me tridhjetë e tri
prandaj u kam frikë udhëtimeve të gjata
Ma thuaj një fjalë që ka kuptimin ”unë dhe ti”
dashuninë që se jetuam këtu ta shijojmë në përjetësi
Në shifër që nuk njeh njerëzimi të puthemi pa ndal
hakun e kësaj bote me e marrë
Të lutem ma thuaj veç një fjalë
që në takimin e parë lejon me u qasë në softverin e dynjasë
Një fjalë kod për kujtesën teme
mos të duket asgjë deja vu
Perendi pashë madhëninë tane
programoi dimensionet e mija në linjë të tij
(Libri i jetës teme ka veç një faqe ”e deshta përjetësisht”)

NGA PAFUNDËSIA E SHPIRTIT
BLERINA